გამყოფ ხაზებთან მცხოვრები მოსახლეობის გათბობის ხარჯები 200 ლარიანი ვაუჩერებით დაფინანსდება

A-/A+

ზამთრის თვეებში გათბობის უზრუნველსაყოფად, მოსახლეობის მთავრობის სარეზერვო ფონდიდან 200 ლარიანი ვაუჩერებით დაფინანსების თაობაზე გადაწყვეტილება, გამყოფი ხაზების მიმდებარე სოფლების მოსახლეობის საჭიროებებზე რეაგირების სამთავრობო კომისიის სხდომაზე მიიღეს.
სხდომას  რეგიონული განვითარებისა და ინფრასტრუქტურის მინისტრი ზურაბ ალავიძე და შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი უძღვებოდნენ. 
გამყოფ ხაზებთან მცხოვრებ ოჯახებს სახელმწიფო გათბობის ვაუჩერებით 2013 წლიდან უზრუნველყოფს. სამთავრობო კომისიის მიერ გატარებული სამუშაოების ფარგლებში დღემდე საქართველოს მთავრობამ 9 463 977 ლარი გამოყო.
განსახილველ საკითხებს შორის იყო ასევე, სტუდენტებისთვის სწავლის დაფინანსების საკითხი. წელს სახელმწიფო გამყოფი ხაზების მიმდებარედ მცხოვრებ 1000-ზე მეტ სტუდენტს დააფინანსებს. 
კომისიის მუშაობის ფარგლებში გამყოფი ხაზის მიმდებარე სოფლებში 2013 წლიდან განხორციელდა -გაზიფიკაციის, წყლით მომარაგების, განათლების დაფინანსების, ჯანდაცვის, სოფლის მეურნეობის და სხვა მიმართულებებით.სხდომას სხვადასხვა სამინისტროსა და ადგილობრივი თვითმმართველობის ორგანოების წარმომადგენლები ესწრებოდნენ.

26.12.2017

იხილეთ მსგავსი ინფორმაცია