მაია ცქიტიშვილი პანკისის ხეობის უხუცესთა საბჭოს შეხვდა

A-/A+

საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი მაია ცქიტიშვილი, შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი, კახეთში სახელმწიფოს რწმუნებული ირაკლი ქადაგიშვილი და ცენტრალური და ადგილობრივი ხელისუფლების სხვა წარმომადგენლები პანკისის ხეობაში, საოფელ ყვარელწყლის საზოგადოებრივ ცენტრში,  უხუცესთა საბჭოს  შეხვდნენ. 

შეხვედრაზე საუბარი ძირითადად შეეხო თუშეთთან დამაკავშირებელი გზის მშენებლობის საკითხს. უხუცესთა საბჭოს წევრებმა აღნიშნეს, რომ გზის მშენებლობა არის ხეობის ჩიხიდან გამოყვანის, მისი მეტი ინტეგრაციის  საშუალება და ხეობის ერთგვარი პერსპექტივა. გზის მშენებლობით, პანკისის ხეობა ჩაერთვება საერთაშორისო ტურისტულ მარშრუტში, ხოლო ტურიზმის განვითარება პანკისის მოსახლოებას შეუქმნის ახალ შესაძლებლობებს. უხუცესებმა ისაუბრეს სვანეთის მაგალითზე, რომლის ტურისტული პოტენციალის განვითარებამ განაპირობა ამ კუთხის მოსახლეობის ეკონომიკური გაძლიერებაც. 

ინფრასტრუქტურის სამინისტროს წარმომადგენლებმა აღნიშნეს, რომ გრძელდება ინტენსიური მუშაობა გზის პროექტირებაზე და გააცნეს უხუცესთა საბჭოს გზის ტექნიკურ-საინჟინრო სირთულეების სპეციფიკა. შეთანხდნენ, რომ უახლოეს მომავალში შედგება შეხვედრა საპროექტო კომპანიის, საავტომობილო გზების დეპარტამენტის, მოწვეული სპეციალისტების და უხუცესთა საბჭოს წარმომადგენლების შემადგენლობით. 

ხეობის უხუცესებმა ხაზი გაუსვეს პანკისის ახალგაზრდებისთვის დამატებითი შესაძლებლობების შექმნის, მათ შორის, პროფესიული სასწავლებლების, საწარმოების გახსნის აუცილებლობას. 

ვიცე-პრემიერმა აღნიშნა, რომ პანკისის ხეობის თუშეთთან დამაკავშირებელი გზის მნიშვნელობა კარგად ესმით და სწორედ ამიტომ აგრძელებენ ამ ურთულესი გზის პროექტირებაზე მუშაობას. პროექტი არის რთული და არა მხოლოდ მისი მშენებლობა, პროექტირებაც კი დიდი დროს მოითხოვს. 

„ორჯერ გადავუვადეთ კომპანიას სამუშაოების დასრულების ვადა სწორედ იმისთის, რომ ეს სამუშაოების შესრულდეს. უნდა აღინიშნოს, რომ ძალიან რთული გზაა, რთული მონაკვეთია და ძალიან მაღალ სიმაღლეებზე უნდა გავიდეს, გადასალახავია ურელტეხილი და შესაბამისად, არის ტექნიკური სირთლეები. აქედან გამომდინარე, მიმდინარეობს ტექნიკური კონსუკლტაციების სპეციალისტებთან. დღეს შევთავაზეთ უხუცესებსაც, რომ მათაც მოგვახმარონ ამ გზების და რელიეფის ცოდნა ტექნიკურ-საინჟინრო გადაწყვეტის შესამუშავებლად. ამასთან, გზა უნდა გაკეთდეს ერთი მხრივ, უსაფრთხოების სტანდარტის და მეორე მხრივ, გარემოს დაცვითი სტანდარტის დაცვით. სწორედ ასეთი მაღალი სანდარტები ხდის ამ პროექტის განხორციელებას რთულს და სწორედ ამასთან არის დაკავშირებული პროექტის დროში შეყოვნება. მთლიანობაში ეს არის 256 კმ-იანი გზა სნოდან თუშეთამდე. პანკისში არის 2 რთული, დაახლოებით 14 კილომეტრიანი, მონაკვეთი. თუმცა, დღესაც აღვნიშნეთ, რომ ეს არის ერთი სირთულე, გზის ერთ კონკრეტულ მონაკვეთზე, მაგრამ ყველა სხვა მონაკვეთების - არსებული გზების - რეაბილიტაცია არის დაგეგმილი ისე, რომ მოვაქციოთეს გზები  სტანდარტში“-აღნიშნა ვიცე-პრემიერმა. 
მაია ცქიტიშვილი და ქეთევან ციხელაშვილი პანკისის ხეობაში სოფელ მატანისა და ომალოს მოსახლოებას, პანკისის ხეობის ახალგაზრდების ჯგუფს, ქალთა საბჭოს და უხუცესთა საბჭოს წევრებს შეხვდნენ. 
 

13.04.2019

იხილეთ მსგავსი ინფორმაცია