ილია ბეგიაშვილი

A-/A+

ილია ბეგიაშვილი დაიბადა 1972 წლის 27 თებერვალს სიღნაღის რაიონის სოფელ ძველ-ანაგაში. 1998 წელს დაამთავრა ქ. თბილისის ოჯახის ექიმის სამედიცინო ინსტიტუტი და მიენიჭა ექიმის კვალიფიკაცია.

1999 წლის იანვარში მუშაობა დაიწყო ქ. სიღნაღის გამგეობაში, გამგებლის მრჩევლად სამედიცინო საკითხებში.

1999 წლის ივნისიდან 2010 წლის აპრილამდე მუშაობდა PSP ჯგუფში სხვადასხვა თანამდებობებზე: საწყობის გამგე, დისტრიბუციის დეპარტამენტის უფროსი მენეჯერი, მომსახურების დეპარტამენტის უფროსი.

2010-2012 წლებში იყო ქართულ-უკრაინული ფარმაცევტული კომპანიის (CU Parma) დირექტორი, ხოლო 2012 წლის აპრილიდან 2014 წლის თებერვლამდე შპს „თეგეტა მოტორსის“ ადმინისტრაციის, შესყიდვებისა და ლოჯისტიკის დეპარტამენტის უფროსი.

2014 წლის 4 მარტს დაინიშნა საქართველოს მთავრობის ადმინისტრაციის ადმინისტრაციული დეპარტამენტის უფროსის მოადგილედ, ხოლო 2014 წლის 26 მარტიდან არის საქართველოს მთავრობის ადმინისტრაციის ადმინისტრაციული მართვის დეპარტამენტის უფროსი.

ფლობს ინგლისურ და რუსულ ენებს.

ჰყავს მეუღლე და სამი შვილი.